Áile Aikio finai Helssegis čađaheame filosofiija magistara dutkosa ja máhcai dan maŋŋá universitehtadieđuiguin ja -dáidduiguin ruoktot Sápmái. Son logai universitehtas álbmotdiehtaga, arkeologiija, folkloristihka ja antropologiija. Oahpuid maŋŋá son barggai moanaid jagiid Sámi musea Siiddas, muhto de eallin doalvvui su bargui Yle Sápmái.

Bargu sámegielat doaimmaheaddjit hohpolaš mediamáilmmis lei gal nuppelágan go museasuorgi, muhto seammás dehálaš leaksu das, movt olmmoš galgá hástit iežas ja skuvlejumis. Museas olbmo barggut oidnojit dušše eahpenjuolga, televišuvnnas doaimmaheaddji lea beaivválaččat olbmuid čalmmiid ovddas ja gullamis.